Սուրբ Գրոց Վարժարան

Աստուծոյ շնորհքով՝ Հայ Աւետ. Բեթէլ Եկեղեցիի հովանաւորութեամբ տեղի կ՛ունենայ Ամառնային Սուրբ Գրոց Վարժարան՝ 2002 տարեշրջանէն սկսեալ: Ինչպէս անցեալ տարիներուն այս տարի եւս թիւով 130 փոքրիկներ (5-12) տարեկան, ամէն օր (Երկուշաբթի- Ուրբաթ) առաւօտեան ժամը՝ 9.00-1.00, կը հաւաքուէին դպրոց՝ ունենալու առօրեայ յայտագիր, որ կ՛ընդգրկէր  փառաբանութեան պաշտամունք, Անգլերէն, Արաբերէն, Ֆրասներէն եւ Հայերէն լեզուի դասեր, Հայոց պատմութիւն, Ս. գրային պատմութիւն, ազգային եւ հոգեւոր երգեր, ընդհանուր զարգացում, խաղեր եւ  ձեռային աշխատանք: Վարժարանի  պատասխանատուութիւնը յանձնուած էր` քսան եօթ ուսուցիչ-ուսուցչուհիներ: Ամառնային Սուրբ Գրոց Վարժարանի աւարտին, փոքրիկներ պատրաստած էին յատուկ յայտագիր, որ տեղի ունեցաւ հանդիսութեամբ մը, Եկեղեցիիս քարոզի պաշտամունքի ընթացքին: Սոյն հանդիսութեան ներկայ եղան՝ Վերապատուելի Համայնքապետ՝ Յարութիւն Սելիմեան, Հայ Աւետ. Բեթէլ Եկեղեցիի ժողով, աշակերտներուն ծնողները եւ հոծ բազմութիւն:

Հանդիսութեան աւարտին՝ Վեր. Յարութիւն Սելիմեան՝ ողջունեց ներկաները եւ հակիրճ կերպով տեղեկութիւններ բաժնեց վարժարանին արդիականացման մասին, յիշելով դասաւանդութեան եզակի միջոցառումներ: Առ Աստուած, երախտապարտ ենք Աստուծոյ, մեզի տուած այս օրհնեալ առիթին համար երեխաներու մօտ հետաքրքութիւն եւ ուղղուածութիւն զարգացնելու:

 


Developed By Digilite